الباشمُهندس "محمود" ده يبقى جارى العزيز وفتالته إبتدائى ....... والدة الباشمهندس واحده من صحابي....
كنت قاعده عندهم وبتكلم مع الست الوالده لاقيتها بتقولى : " أما أحكيليك محمود عمل إيه إمبارح ؟"
حسيت إنى حتفرَّج على مسرحية جديدة من بتوع محمود......
والأدوار كالآتى:
(1) البطولة المطلقه: للفنان الصاعد محمود " بلا منافس" أكيد.بدأ العرض ورُفِع الستار وظهر المسرح مجهز على إنه "لجنة إمتحان"
(2) البطلة اللى ماقالتش ولا كلمه : "فايزه" زميلة محمود فى الفصل أو "فيزو" زى ما بيقولها محمود
(3) المغلوبين على أمرهم: والدة الفنان والميس بتاعته فى الفصل.
(4) بنوته كده جت فدور صغير إسمها " ساندرا" ....وياريتها ما جت.....
دخل محمود اللجنه والميس قالت: محمود روح اقعد جنب ساندرا....
إضايق أوى الباشمهندس وقال: لأ أنا مقعدش جنب ساندرا ...
ردت الميس : ليه يا محمود ؟
راح قايلها : دى بطيئه جداً .....وخطها وحش كمان...
طبعاً البنت كرامتها وجعتها وقالت: انا أصلاً مش عايزه أقعد جنبه أساساً
" ونزل اللولى من عينيها ياعينى!!"....:(
والدة الباشمهندس بصيت له شزراً وقالت بعصبيه: محمود...... إسمع كلام الميس واقعد مكانك....وإتفضل إتأسف لساندرا فوراً....
رد من غير نفس : أنا آسف...... بس أنا كنت عايز أقعد جنب" فيزو"....
قررت أدخل فى المسرحيه كضيفة شرف.....
وسألت سؤال برئ : ميين فيزو ؟؟
رد محمود: فايزة صاحبتى!!!......
قلت له: لاااااا والله هى" فيزو" دى بنت؟.....
ضحكت صاحبتى وقالتلى إصبرى انتى لسه شوفتى حاجه!!!
سؤال تانى أبرأ من الأولانى : إشمعنى فيزو !!....هى بتغششك ولا إيه ؟
رد بمنتهى الصراحه والوضوح: ..لأ..... " بحبها ".
نزلت الكلمه على ودانى زى النكته .. ماقدرتش أكتم الضحكة ...:))
وبعدين قولت له : ياااا ماشاء الله..... علنى كده ... وبعدين إيه فيزو دى يامحمود!!! .... متقولها " فوزى أحسن"...دانت غريب جداً.
ماااااعلينا .....قولت حكلمه جد بقى عشان افهمه إنه مايصحش اللى عمله ده......
قولت له : بصرف النظرعن اللى إنت قولته ده يامحمود حنتكلم فموضوع فيزو ده بعدين... ماينفعش تحرج حد كده...البنت ذنبها إيه إن سيادتك عايز تقعد جنب فيزو!!!
يعنى لو ساندرا هى اللى قالت لأ انا مقعدش جنب محمود......أنا عايزه اقعد جنب عبدالله مثلاً مش إنت كنت حتزعل؟؟؟؟........
سكت كده شويه.... وكان شكله حاسس إنه غلطان....
رد عليا وقال: آاااه ...كنت حزعل..... بس هو ماسموش "عبدالله".. إسمه "عبدالرحمن"....
قولت له: كماااااااااان .....وأنا اللى فاكره ساندرا مؤدبه!!!
وبصيت لصاحبتى وقولتلها.... " والله يا بنتى ليكى الجنة إن شاء الله "
وبصيت لصاحبتى وقولتلها.... " والله يا بنتى ليكى الجنة إن شاء الله "
خلصت الحكايه بس مواقف محمود معايا مبتخلصش....
ودايماً بيفاجئنى الحقيقة :)))
هناك 5 تعليقات:
ههههههههههه
مااجمل الحب ف الطفولة
بس فى سؤال محيرنى ياترى فيروز بتحب محمود
ولالأ
ههههههههههههه
(nona mohammed)
مش عارفة والله يا نانا...:))
بس اكيييد خدت بالها...
مش بعيد يكون قالها ربنا يستر ...
عيال آخر زمن والله :))
فعلا والله يا شيمو
عيال اخر زمن
هههههههههههههههه
بجد ياشوشو جميلة قوى بس حاجة بسيطة قوى من اللى بشوفه فى المدرسة انت عارفة ان سلكت المهنة دى قريب وللا سف بشوف العجب وجوابات وامور حب وغراميات
مش المشكله فى الحب المهم انهم فاهمينوا غلط
يعنى زمان كنا بنسمع عن اتنين بيحبوا بعض من وهم اطفال وبنفرح قوى لما بنلاقى انهم مع بعض لغاية ما كبروا لكن النهاردة كل ترم الواحد فيهم بيغير حبيبة
والغريبة ياشوشو ان معدش فى خجل خالص
يعنى زمان لما كان حد بيحب الموضوع ده بيفضل سر بينه وبين نفسه
لكن النهاردة ما شاء الله
بيتباهوا قدام بعض
وللاسف البنات كمان اللى المفروض الحياء والخجل من سماتها هههههههههههههههههه للاسف بقوا بمنتهى البجاحة سورى من اللفظ بس من اللى بشوفه يا ختى
وكل المدرسة روايات وحكايات علشان من مللش ومن زهقش
يعنى التغيير واجب برده
هههههههههه آااه فعلاً العيال مش بتتكسف دلوقتى خلاص بيقولوا اللى هم عايزينة وكله من التليفزيون الملعووون هو السبب فحاله النضوج المبكر اللى عند العيال اليومين دول
وعشان تغيرى المفاهيم اللى بيلقطوها من كل حاجة حواليهم محتاجة تبذلى مجهود جباااار :)
ربنا معانا بقى الفترة اللى جاية التربية كل مادا بتبقى أصعب وأصعب
نورتيييييينى جداااااً يا مشمشة بجد :))
إرسال تعليق