رحلة البحث عن السعادة

تفتكروا إيه هى السعادة ؟؟.....وهل ممكن حد يعيش ويموت من غير مايكون جرب الإحساس ده أو حتى يعرف إيه اللى كان ممكن يخليه سعيد .!!

يمكن تكون السعادة إحساس بالأمان ...ده مجرد بحث عن مبرر لمن يسعده زيادة أمواله....دون الوقوع فى دائرة مفرغة من التساؤلات من أمثال

"من أين لك هذا ؟ "...زى ماتفقنا كل واحد ورقيبه....

لكن إحتمال عنده " المال= أمان "..... معادلة 1

ومن وجهة نظرة " السعادة= نفوذ ".....معادلة 2

 وبما إن  العلاقه طردية بين المال و النفوذ .

يبقى أكييد  السعادة عنده هى الشعور بالأمان " المادى" دون أى إعتبار للأمان " المعنوى".....منطق غريب ...بس موجود

واللا هى اللى بنحسه لما بنعمل خير أو خدمه ولو بسيطة ربنا وفقنا ليها عشان نكون مجرد وسيلة لتوصيل شيئ لشخص ما!!

وفى اللى بيحسَّها فركعتين قبل الفجر... يدعى فيهم ويشكى حاله لربه  !!....

ربنا يجعلنا نوصل لها.......دايماً بشوفها " الأرقى "

واللا هى الراحه اللى بنحسها مع صحابنا بعد مدة طويييلة سرقتنا الدنيا  فيها من بعض !!

واللا هى دقات قلب سريعة  مع فرحة ماتتوصفش وإنت واقف فكتب كتاب واحد من صحابك القريبين!!

أو يمكن اللى بيحصل بعد سماع كلمات تشعرك بتقديرأو إحترام من شخص أكبر منك و ذو خبرة ورأيه يهمك !!

وفى اللى بيحسَّها فلمة العيلة ...جو دافى كله بيسأل فيه عن حال التانى .....منهم اللى يحكى حكاية .....ومنهم اللى يشكى همومه كنوع من الفضفضة ودايماً فآخر القاعدة ياخد كلمتين تطييب خاطر وبعدهم دعوة يأمِّن عليها كل اللى سمعها من قلبه.

واللا هى اللى بنحسه لما ننجح فأى حاجة ....زى مثلاً فرحة فوزك بلقب "خريج" بعد طول إنتظار ملقب " بطالب ".....
و الإحساس ده راح لحاله أكييد

يعنى  إحساس قصير المدى " لا يدوم أكثر من شهر فقط لا غير"...
دانا كده كارماه أوى كمان...

أو يمكن اللى بنحسه لو نجحنا فأى حاجة مهما كانت لا تمثل الكثير للآخرين ....لكن مجرد الإحساس بالإنجاز بيخلينا نقول :

 " أنا اتقدمت خطوة...إذن أنا ليا لازمة وبعمل حاجة.....إيه ده ؟!!
أنا حاسس إنى مبسوط جداً !! "

ودول اللى عايشين بالمبدأ اللى بيقول : " إن لم تُزِد شيئاً على الدنيا ...
كنت زائداً عليها "......منطق برضو

فى ناس بتبص على السعادة من بعيييد  مع تنهيده تحمل معنى " ذهب ولم يعد " ....لأنها لديهم ترتبط بأشخاص أو بأماكن معينة ...لم يعد بإمكانهم رؤيتهم مرة أخرى لأسباب خارجة عن إرادتهم ..

وفى ناس بالنسبالهم " لم تأتى بعد ...ولكن جارى البحث عنها !! "....وعلى من يجدها أن " لأ مافيش تليفون يتصل عليه طبعاً "

لكن عليه أن يُطمئن من ينتظرها أنها ستأتى يوماً ما ....

فإن لم تكتب له فى الدنيا......فالآخرة ليست ببعيدة ....

بشوفها مجرد شعور له درجات مختلفة بيمر علينا من وقت للتانى دون سابق إنذار، لكن أكييد درجتها بتزيد مع درجة رضا كل واحد فينا عن حياته 
{ بكل مافيها }.

دكتور إبراهيم الفقى لخص الموضوع فسطر واحد :
" أن سادة الحياة هم اللذين يجعلون من السعادة عادة فى حب الله سبحانه وتعالى "

التوازن فحياتنا

التوازن فحياتنا .... يا ترى إحنا قادرين ننفذه والا دايماً بنقول مافيش وقت لحاجة !!
عموماً شوفوا الحلقة دى يارب تفيدنا كلنا إنشاء اللهhttp://www.facebook.com/video/video.php?v=10150181553225565#!/video/video.php?v=10150181553225565

حسن الظن فى الله

حسن الظن بالله...إنه يبقى عندنا يقين إنه ربنا اكييد حيختار لنا الأحسن...بس إحنا نصبر ومانستعجلش.

يقول الله سبحانه وتعالى فى حديث قدسى :- " أنا عند ظن عبدى بي ، إن ظن خيراً فله وإن ظن شراً فله " ... رواه مسلم

تشغيل مخ مش أكتر

تعالو شوفوا الجراج  فى اليابان عامل إزاى!!...زى الملاهى عندنا بالظبط... !! لكن الهدف أكييد مختلف تماماً...

إحترام الآخر

الشيخ محمد عبده رحمه الله عندما أتى من الغرب قال: "وجدت هناك إسلاماً بلا مسلمين ،وأجد هنا مسلمين بلا إسلام"

كيدزانيا

مدينة كيدزانيا " مدينة يعيش فيها الصغار حياة الكبار" وحتعرفوا ليه اليابان بتتقدم يوم عن يوم!!
عقبال ولادكم إنشاء الله :)

أطهر قلب ‎- عمر خيرت

قضية عم أحمد

مش عارفة مين عم أحمد الحقيقه :)..... بس عجبتنى الموسيقى

أقسام الذكاء

مافيش مشكلة لو حد طلع عنده أكتر من نوع.....خير وبركة يعنى...:)

" وأُزلِفَت الجنةُ للمتقين "

أوان الورد

من هو....؟؟

سُئل حكيم: من القوى من الناس؟

قال: هو من يستطيع كبت جماح نفسه.

ومن الضعيف؟ قال: هو من تسمع صوته مدوياً.

ومن هو العبقرى؟ قال: هو من يختلف عليه إثنان.

ومن هو العادى؟ قال : هو من يتفق عليه إثنان.

ومن هو العاقل؟  قال:هو من ينحنى للعواطف.

ومن هو المجنون؟ قال : هومن يدعى العقل.

ومن هو التافه؟ قال :هو من يتصور أنه أذكى الناس.

ومن هو الثرثار؟ قال : هو من يتحدث دون معنى.

ومن هو الفصيح ؟ قال : هو من يوجز فى حديثه.

ومن هو العالم؟ قال :هو من تجد عنده العلم.

ومن هوالجاهل؟ قال: هو من يدعى العلم دون إدراك.

ومن هو الكريم؟ قال :هو من يعطى بسخاء ومن دون تبذير.

ومن هو البخيل؟ قال: هو من يعيش على أرزاق الآخرين بإستغلال وتطفل.

ومن هو الكاتب؟ قال : هو من يكتب بإحساسه.

ومن هو الصادق؟ قال :هو من يصدق أولاً مع نفسه.

ومن هو الكاذب ؟ قال :هو من غرة الشيطان بنفسه.

ومن هو الناقص؟ قال : هو كل إنسان.

ومن هو الكامل؟ قال : هوالله الذى لا إله إلا هو.

المصدر : صفحة " ثقف نفسك " عالفيس بوك

The goodness of life

من كان فى حاجة أخيه..

" التوبة الندم "

شخصاً ما

" إن كثيراً من الناس وصلوا إلى أبعد مما ظنوا أنفسهم قادرين عليه

لأن شخصاً ما ظن أنهم قادرين على ذلك "

أتى الزمان

قال رسول الله صلى الله عليه وسلم:

{ يأتى زمان ٌعلى أمتى يحبون خمس وينسون خمس

يحبون الدنيا وينسون الآخرة يحبون المال وينسون الحساب

يحبون المخلوق وينسون الخالق  يحبون القصور وينسون القبور
يحبون المعصية وينسون التوبه فإن كان كذلك إبتلاهم الله بالغلاء
 والوباء والموت الفجأة وجور الحكام }
 

**اللهم مُنّ علينا بالتوكل عليك والتفويض إليك والرضا بقدرك
والتسليم لأمرك حتى لا نُحب تعجيلَ ماأخّرت ولا تأخير ما عجَّلت
يا رب العالمين**

مايلفظ من قول إلا لديه رقيبٌ عتيد

أرى النفس كالحصان الجامح يريد أن ينطلق دون قيد ....فإذا ما أحكم صاحبها لِجامها.....صار أول ضحاياها لأنها لاتهتم لأمر أحد حتى وإن كان مالكها....لكن من رحمة ربنا بينا إنه جعل رقيب من آن لآخر يهمس فى أُذن أحد منا لينهيه عن فعلٍ ما تقدم عليه نفسه .....

لم يَرد ذكر كلمة ضمير فى القرآن أو السنه إلا أننى كلما سمعت كلمة  " رقيب "  أتذكر كلمة "ضمير" ...لا أعرف لما ترتبط الكلمتان فى ذهنى ؟!.....أنا لسه بدورمعاكوا على إجابة !!

شوف مثلاً الحوار الجاى ده ...اللى بيحصل معانا كلنا.

فيوم وإنت راجع البيت تعبان وعايز تنام يدور الحوار الآتى:

رقيب: إوعى تنام من غير ماتصلى العشاء

بسرعة الشيطان يرد: ماتسيبه ينام يا أخى إنت مش شايفه تعبان إزاى !!....

أنا بقول : "قال يعنى قلبه عليك قوى"

رقيب: ده عايز يضيعك يابنى ...إوعى تسمع كلامه !!

الشيطان: طب بص أنا عندى حل وسط.... نام دلوقتى وحصحيك قبل الفجر بشوية تلحق العشاء

أنا بقول : "ويبقى عليه العوض كده العشاء راحت عليك "

رقيب: إستعذ بالله كده من الشيطان وقوم إتوضى حالاً

فينا اللى بيحب الحلول الوسط وبينام ....وفينا اللى رقيبه بيغلب وبيقوم يصلى...." يعنى كل واحد ورقيبه بقى"

 بيتهيألى الإجابه وصلت : يمكن إرتباط الكلمتين فذهنى عشان بحس إن الإتنين ليهم  نفس المهام وبيقولوا نفس الكلام.... 

سواء أنا كنت صح والا غلط....عايزة أفكركم وأفكر نفسى بالجملة دى:

" الله شاهدى... الله ناظرى....الله رقيبٌ علىّ "

تشابه مختلف

الملامح قريبة .... تخليك أول ما تشوفهم تقول "أكييد إخوات" ....بس اللى بيعرفهم  بياخد باله من التناقض الملحوظ !!
كانوا زمان بيفتكروهم توأم لكن الحقيقة إن فى واحدة أكبر بسنة....فدايماً كان بيبقى فيه مدرسين مشتركين لأنهم بيبقوا غالباً فنفس المرحلة والسؤال المعتاد من المدرسين لما يشوفوهم مع بعض:
" انتم متأكدين إنكم إخوات؟؟ " .....ومنهم اللى كان يستعجب ويقول الجملة المكررة " فرق السما من الأرض !!"
الكبيرة فحالها ومش بتاعة مشاكل.....أما الصغيرة فلمضة جداً والشقاوة بتنط من عينيها...
لما طلعوا ثانوى مع بعض كان مستر" سيد" هو مستر الرياضة.....مستر سيد  كان من المدرسين النادرين اللى ضد الدروس الخصوصية ودى كانت حاجة بتميزه جداً....ونظراً لهذا المبدأ الذى "عفا" عليه الزمن أو يمكن" رَدَم" عليه الزمن عشان محدش يسمع عنه تانى.....وقد كان ما خطط له الزمن المكّار.....فكان مستر سيد عنده طاقه غير عاديه ونفسه يشرح  أويحس إنه مسموع حتى !!.....فقررت الأخت الكبرى أن تحقق له هذه الأمنية فى وسط جو من الهَرَج والمَرَج ....والأكل ....والرغى .....وحل واجب الدروس....مع إنها كانت بتاخد دروس طبعا ً.....بس كان بيبقى مبسوط إن فى حد مركز معاه وبيكتب وراه كمان .....فى الوقت اللى أختها فحصته مطلعه عينه ولما كان يعدى من جنب الديسك بتاعها كان يسألها: " يا ترى بتذاكرى إيه النهاردة ؟؟.... كيمياء ولا عربى!!" .....مع إنه بيدى رياضة !!....بس عارف إنه لاحياة لمن تنادى
وفيوم من الأيام سأل الأخت الصغرى" هوأنتى ليكى أخت هنا ؟....أصل فى واحدة فسنة تالته  شبهك أوى !!"
ردت بمنتهى الثقة: " لا يا مستر ....أنا معنديش إخوات أصلاً ".....والفصل كله بيضحك طبعاً عشان كلهم عارفينّى كويس
ولحظّها السيئ  إذا بأختها تطرق الباب .....فتح مستر سيد وإبتسم وسلم وكله تمام....
قالتله: ممكن سماء ثوانى يا مستر بعد إذنك!!
طبعاً هو عارف إن فى سماء واحدة  بس فى المدرسة كلها....وموجودة عنده فنفس ذات الفصل...
 فأعاد عليها ماقالته منذ دقائق بس بطريقته : "ماليش إخوات يا مستر هه !! ماشى ماشى ...إتفضلى إتفضلى..."
والفصل برضو كله بيضحك....كل ده وانا مش فاهمة أى حاجة من اللى بيحصل ....بس كنت متأكدة إنها عملت مصيبة !!.....ونسيت الموضوع أصلاً....
لسه هى اللى مفكرانى بيه من كام يوم عشان شافت مستر سيد بالصدفة و سلمت عليه....

وقعدنا نفتكر أيام عمرنا ماحننساها مهما كبرنا وعدت السنين.......

الرجوله يا صاحبى...

خدعوك فقالوا:: بعنوان:: الرجوله ياصاحبى

http://www.youtube.com/watch?v=9xJ9z9LRxkg