جدكو تعليم يا ولاد من 10 سنين كده جالو دور برد شديد شويه فقال أروح "مستشفى الوزارة" يمكن يكتبولى حاجه تخلينى أحسن شويه قام السيد رئيس الوزراء " مدير المستشفى " قال:
" لأ ده لازم يتحجز فوراً ويبقى تحت إشراف أكبر دكتور فى المستشفى وهو السيد وزير التربيه والتعليم" ، صدقهم جدو تعليم وسلم نفسه ليهم ، وسنه ورا سنه حالته بقت فى النازل، عشان كل كام سنه يجيبولوا دكتور وزير جديد يشرف على حالته ويكتبله شويه قرارات فى روشته ويقوله لازم تمشى عليهم وإلا حتتعب أكتر، ومكانش فإيد جدو تعليم حاجه غير إنه يسمع الكلام وياخد القرارات فى معادها زى ماتقالوه.
وكل سنه فى نفس المعاد فى شهر سته تجيلوا أزمة " ثانويه" و يلحقوه على آخر وقت وهم عارفين إيه اللى ممكن يشفيه من أزمة ثانويه عامه دى بس مش عايزين يريحوه ولا عايزين يريحوا الأهالى اللى واقفين بره دول على باب العنايه ومن كتر الزحمه زقوا الباب ودخلوايقولولوا:
"ربنا يخليك لينا ولولادنا يا جدو تعليم عشان من غيرك ولادنا حيضيعوا إوعى تسيبنا الله يخليك!! "
فجأه ظهر الدكتور الوزير وقالهم :
"إيه التهريج ده إطلعوا بره وإلا ولادكوا كلهم حيسقطوا وإبقوا قابلونى لو حد منهم جاب مجموع ودخل الكليه اللى فدماغه"
بس جدو تعليم السنادى غير كل سنه دخل فى غيبوبة "علمى رياضه" ومش قادر ياخد نفسه...... وحطوه تحت أجهزة تنفس صناعى
وحواليه ياعينى خراطيم كتير.... إشى خرطوم يوصلوا تفاضل .......وإشى خرطوم يوصلوا تكامل....
" لأ ده لازم يتحجز فوراً ويبقى تحت إشراف أكبر دكتور فى المستشفى وهو السيد وزير التربيه والتعليم" ، صدقهم جدو تعليم وسلم نفسه ليهم ، وسنه ورا سنه حالته بقت فى النازل، عشان كل كام سنه يجيبولوا دكتور وزير جديد يشرف على حالته ويكتبله شويه قرارات فى روشته ويقوله لازم تمشى عليهم وإلا حتتعب أكتر، ومكانش فإيد جدو تعليم حاجه غير إنه يسمع الكلام وياخد القرارات فى معادها زى ماتقالوه.
وكل سنه فى نفس المعاد فى شهر سته تجيلوا أزمة " ثانويه" و يلحقوه على آخر وقت وهم عارفين إيه اللى ممكن يشفيه من أزمة ثانويه عامه دى بس مش عايزين يريحوه ولا عايزين يريحوا الأهالى اللى واقفين بره دول على باب العنايه ومن كتر الزحمه زقوا الباب ودخلوايقولولوا:
"ربنا يخليك لينا ولولادنا يا جدو تعليم عشان من غيرك ولادنا حيضيعوا إوعى تسيبنا الله يخليك!! "
فجأه ظهر الدكتور الوزير وقالهم :
"إيه التهريج ده إطلعوا بره وإلا ولادكوا كلهم حيسقطوا وإبقوا قابلونى لو حد منهم جاب مجموع ودخل الكليه اللى فدماغه"
بس جدو تعليم السنادى غير كل سنه دخل فى غيبوبة "علمى رياضه" ومش قادر ياخد نفسه...... وحطوه تحت أجهزة تنفس صناعى
وحواليه ياعينى خراطيم كتير.... إشى خرطوم يوصلوا تفاضل .......وإشى خرطوم يوصلوا تكامل....
وكمان واحد للفيزياء وربنا يقوموا بالسلامه من الأزمه دى عشان المرَّادى غير كل سنه ..... والأهالى يا حرام واقفين الرعب باين فى عنيهم.....
كإنهم حاسيين إن دى مؤامرة عليهم من الدكتور الوزير وشوية الممرضين المستشارين اللى عمالين يحطولوا فى الخراطيم أسئله صعبه والراجل عمال يتعب زياده عشان عارف إن أحفاده مش حيعرفوا يحلوا حاجه فى الأسئله دى اللى عايزاهم يبتكروا فى 3 ساعات وهم ياعينى بقالهم 10 شهور بيذاكروا فحاجات كلها حفظ ومافيهاش أى إبتكار .
يعنى عشان خاطر شوية الممرضين المستشارين دول يعملوا منظر ويحِسّوا بنفسهم شويه ... العيال يجيلها إحباط ويضيع مستقبلهم.
حنقول إيه ربنا موجود وقادر يشفيلنا جدو تعليم ويقومه بسلامه.....
أحسن يظهر لنا " عم أبو جهل " ويقول:
" أنا جيت يا ولاد اقعد معاكوا لحد ماييجي دكتور وزير عنده ضميرويعالج جدكو صح"
حتى عم أبو جهل طلع راجل طيب وصعبان عليه جدو تعليم ومعندوش مانع يمشى.
وفى الآخر أحب أقولكوا " إن تعاطفكم لوحده مش كفايه "
" دعواتكوابقى معانا إن الدكتور الوزير اللى عنده ضمير ده يظهر قريب قبل ما جدو تعليم يسلم نِمَر ويسيبنا على طول".....
كإنهم حاسيين إن دى مؤامرة عليهم من الدكتور الوزير وشوية الممرضين المستشارين اللى عمالين يحطولوا فى الخراطيم أسئله صعبه والراجل عمال يتعب زياده عشان عارف إن أحفاده مش حيعرفوا يحلوا حاجه فى الأسئله دى اللى عايزاهم يبتكروا فى 3 ساعات وهم ياعينى بقالهم 10 شهور بيذاكروا فحاجات كلها حفظ ومافيهاش أى إبتكار .
يعنى عشان خاطر شوية الممرضين المستشارين دول يعملوا منظر ويحِسّوا بنفسهم شويه ... العيال يجيلها إحباط ويضيع مستقبلهم.
حنقول إيه ربنا موجود وقادر يشفيلنا جدو تعليم ويقومه بسلامه.....
أحسن يظهر لنا " عم أبو جهل " ويقول:
" أنا جيت يا ولاد اقعد معاكوا لحد ماييجي دكتور وزير عنده ضميرويعالج جدكو صح"
حتى عم أبو جهل طلع راجل طيب وصعبان عليه جدو تعليم ومعندوش مانع يمشى.
وفى الآخر أحب أقولكوا " إن تعاطفكم لوحده مش كفايه "
" دعواتكوابقى معانا إن الدكتور الوزير اللى عنده ضمير ده يظهر قريب قبل ما جدو تعليم يسلم نِمَر ويسيبنا على طول".....
ملحوظه: الموضوع ده كتبته أيام امتحانات ثانويه عامه لعام 2009 محدش عارف إيه اللى حيحصل السنادى..ربنا يستر
هناك تعليقان (2):
الحمد لله ان الايام دى عدت وخلصت من بعبع الثانوية العامة
بس كانت ايام مايعلم بيها الا ربنا
ربنا معاكم يالى لسه ف الثانوية ويوفقكم
ربنا يصلح الحال...
منورانى ياحنان والله :)
آسفه عشان إتأخرت فى الرد عليكى :))
إرسال تعليق